“Azərbaycanda Ramazan bayramı o qədər də çoşqulu qeyd olunmur”.

Bunu Valyuta.az-a açıqlamasında marketoloq Pərviz Əzimov böyük elektronik şirkətlərinin Ramazan bayramı ilə bağlı endirim kampaniyalarından danışarkən deyib. Marketoloq hesab edir ki, Ramazan bayramı Türkiyədə daha çoşqulu qeyd edilir:

“Bu səbəbdən də endirimləri daha böyük olur. Azərbaycanda isə belə endirimlər Yeni il bayramında baş verir. Sırf iki ölkə arasında  bayramlara, özəl günlərə yanaşma insanlar tərəfindən də fərqli olduğu üçün markalar da ona uyğun davranır. İnsanlar bu bayramı nə qədər çoşqulu qeyd etsələr də mağazalar endirim kampaniyalarını buna görə tənzimləyirlər. Çünki bilirlər ki, bu bayrama təlabat var və insanlar nə qədər alış-veriş  edəcək. Endirimlər də buna uyğun balanslaşır”.

Pərviz Əzimov bayram endirimlərinin müştəri davranışlarından asılı olduğunu vurğulayıb:

“Türkiyədən fərqli olaraq Azərbaycanda ən çox alış-veriş edilən ay dekabr və martdır. Hər iki ölkənin  bir çox oxşar tərəfləri olsa da alış-veriş davranışlarında böyük fərq var”.

Aylin