Ümumdünya Meteorologiya Təşkilatının (WMO) dərc etdiyi hesabata əsasən, 2023-cü il BMT müşahidələri tarixində ən isti il olub.

Trend xarici KİV-lərə istinadən xəbər verir ki, bu barədə BMT-nin Baş katibi Antonio Quterreş hesabatı şərh edərkən deyib.

Antonio Quterreş qeyd edib ki, bəzi göstəricilərin təkcə ən yüksək deyil, çox yüksək olduğu, iqlim dəyişikliyi getdikcə daha sürətlə baş verib.

"Qlobal istiləşmənin nəticələri kəskin, qəddar və ölümcül güclə böyüyür", - o deyib.

WMO-nun hesabatına görə, 2023-cü ildə karbon qazı emissiyaları, Yer səthinin temperaturu, okeanların temperaturunun yüksəlməsi və buzlaqların əriməsi rekordları qırılıb.