Amerika hakimiyyəti Rusiyadan zənginləşdirilmiş uranın tədarükünü qadağan etmək imkanını nəzərdən keçirir.  

Valyuta.az xəbər verir ki, bu barədə Bloomberg yazıb. 

Bu məsələ Milli Təhlükəsizlik Şurası, Energetika Departamenti və prezident Co Bayden administrasiyasının digər orqanları tərəfindən araşdırılır. Ötən ilin dekabrında Nümayəndələr Palatası Rusiyada və ya onun müəssisələrində istehsal olunan uranın idxalının 2040-cı ilə qədər qadağan edilməsi təşəbbüsünü təsdiqləyib.

Məsələ ilə bağlı hələ heç bir qərar verilməsə də, mənbələr icra hakimiyyətinin Konqresin qanunları qəbul etməsinə üstünlük verəcəyini bildirir. Energetika Nazirliyinin məlumatına görə, Rusiya ABŞ-a ən böyük uran tədarükçüsüdür və ölkədə istifadə olunan yanacağın demək olar ki, dörddə birini təmin edir. Uran müqabilində Moskva hər il təxminən 1 milyard dollar alır.

Ötən dekabrda Reuters xəbər vermişdi ki, Rusiya 2022-ci ildə uran tədarükünə görə üçüncü yeri tutur (12%), tədarükün 27%-i Kanadadan , 25%-i  Qazaxıstandandır . ABŞ özü atom elektrik stansiyaları üçün uranın 5%-ni təmin edir.

Nicat