Honq-Konq birjasında qeydiyyata alınan Fransız kosmetika şirkəti L'Occitane özəlləşdirməyə hazır olduğunu açıqlayıb. 

Valyuta.az xəbər verir ki, bu barədə Reuters yazır.

O, öz səhmlərini bir səhm üçün 34 HK$ (cari məzənnə ilə 4,35 dollar) qiymətə geri almağı planlaşdırır. Bu, birjanın fevralın 5-də 26 HK$ və ya 3,32 dollara satıldığı bağlanış qiymətindən 30,8% yüksəkdir. Beləliklə, maksimum alış dəyəri 13,9 milyard Honq Konq dollarına (1,78 milyard dollar) çatacaq.

Bu ilin mart ayına olan məlumata görə, L'Occitane Groupe şirkətin 72,39%-nə sahib idi. Axios-un məlumatına görə, şirkətin ümumi kapital dəyəri 6 milyard dollar dəyərində qiymətləndirilir.

Əlavə olaraq, 2022-ci ilin iyun ayında L'Occitane Rusiya biznesinin əsas rus işçilərinə satışını tamamlayıb. L'Occitane Russia-nın ədalətli dəyəri 3 iyun 2022-ci il tarixinə 44,5 milyon avro (və ya Rusiya Mərkəzi Bankının həmin günə olan məzənnəsi ilə 2,9 milyard rubl) olaraq qiymətləndirilib. Müqavilə bu vəsaitlərin müəyyən edilmiş müddət ərzində Rusiya benefisiarlarına ödənilməsini nəzərdə tutur.

Şirkət həmçinin səhmləri geri almaq hüququnu özündə saxlayır. Satış opsionunun icra qiyməti müstəqil ekspert tərəfindən müəyyən edilmiş Rusiya müəssisəsinin biznesinin ədalətli dəyəri ilə müəyyən ediləcək.

Rusiyadakı L'Occitane mağazalarının adı dəyişdirilərək "L'Ositan" olub.

Nicat