Sahibkar olmaq bir çox xüsusiyyətlər özündə cəmləməyi tələb edir. Qətiyyətli olmaq, zəhmətkeşlik, liderlik, sonsuz enerji, təslim olmamaq və s. xüsusiyyətlər. Bütün bunlar uğura gedən yolda olan sahibkarların ən vacib xüsusiyyətləridir. Amma bütün bu yaxşı keyfiyyətlərlə yanaşı, bəzi sahibkarların müəyyən bir nöqtədən sonra irəliləməsinə maneə olan səhv davranışları da olur.

Valyuta.az xəbər verir ki, kiçik biznes sahilərinin irəliləməsinə maneə ola biləcək bəzi əsas səbəblər var. Onlardan bəziləri bunlardır.

1 - Bir irəlini düşünməkdən qorxmaq.

Bəzi sahibkarlar dayaz suda üzmək kimi təhlükəsiz olmağa üstünlük verirlər. Bu güvən sahəsindən çıxmaq onlar üçün qorxulu görünür, amma bu qorxu qırılmadıqca irəli getmək, hətta bəlkə də müəssisə qurmaq mümkün görünmür. 

2 - Səhv insanlarla işləmək

İnkişaf etmək və müəyyən miqyasda olmaq kollektiv iş tələb edir. Uzaqgörən liderlər təkbaşına işə başlasalar belə, bir müddət sonra tərəfdaşlar, yaxşı menecerlər yaradaraq biznesin böyüməsini təmin edə bilərlər. Amma burada vacib məqam odur ki, şirkətinizin bütün səviyyələrində çalışanlar doğru insanlardır. Əsas məqsəd düzgün işə uyğun namizəd tapmaq, yeni qoşulan işçilərlə xidmət, məhsul keyfiyyətini qorumaq və biznesinizi daha da irəli aparmaq olmalıdır.

3 - Nəzarətdən əl çəkmək istəməmək

Sahibkarlar 2 mühüm məsələyə nəzarəti əldən vermək istəmirlər. Kapitalla bağlı məsələlər və əməliyyat prosesləri. Onlar öz işlərinə o qədər inanırlar ki, çox vaxt onu başqasına təhvil vermək ağlına belə gəlmir. Yaxşı sahibkar olmaq üçün işi daha yaxşı bacaran insanlara həvalə etmək lazımdır. Daim hər şeyi idarə etməyə çalışmaq nəinki vaxt itirir, həm də digər işçilərdə inamsızlıq yaradır. İşçiyə işi həvalə edən lider işçilərə inam aşılayır.

4 - Məmnun olmaq

Bəzi müəssisələr müəyyən ölçüyə çatdıqdan sonra bununla kifayətlənir və daha da irəli getmək istəmirlər. O, olduğu yerdə qalmağa üstünlük verir, çünki qismən də burada onu daha təhlükəsiz hesab edir. Amma diqqətli olmaq lazımdır ki,  durğunluq və tənəzzül eyni yerdə qalmaqdan, irəliləməməkdən başlayır. Həmişə yenilikçi, yaradıcı olmaq inkişaf üçün tələb olunan ən vacib elementlərdən biridir.

5 - Yeni fürsətləri görməmək

Yaxşı bir sahibkar bir çox insanın gördüyü və çox diqqət yetirmədiyi, görmədiyi işlərlə məşğul olan biridir. Getdikcə çətinləşən rəqabət şəraitində fərqli perspektivlər inkişaf üçün vacib amillərdir. Təbii ki, biznesin inkişafı üçün etməli olduğu və etməməli olduğu çox şeylər var. Ən mühüm meyar açıq və dəyişməyə, təkmilləşdirməyə hazır olmaqdır.

Yuxarıdakı səhvlərdən başlayaraq özünüzü nəzərdən keçirin. Səhvi etiraf etmək çətin ola bilər, amma səhvi həqiqətən etiraf etməsəniz, dəyişiklik mümkün deyil.

Əvəz Həsənov