2024-cü ilin ilk ayında Avropada yeni elektrikli minik avtomobillərinin satışı təxminən 30 faiz artıb.

Valyuta.az bu barədə xarici mediaya istinadən xəbər verir.

Bildirilib ki, 2024-cü ilin yanvar ayında Avropada yeni elektrikli avtomobil satışları bütün kateqoriyalar üzrə üstünlük təşkil edərək, bütün minik avtomobilləri bazarının 11,9 faizini təşkil edib. 2023-cü ilin dekabrında 3,8 faiz azalmadan sonra yeni avtomobil satışları Avropa İttifaqı (Aİ), Avropa Azad Ticarət Assosiasiyası (EFTA) və Böyük Britaniya bazarlarında cəmi 11,5 faiz artıb.

Bu artım 2023-cü ilin yanvar ayı ilə müqayisədə bütün Avropa bazarında, o cümlədən Böyük Britaniyada elektrik avtomobil satışlarında 29,3 faiz, “plug-in” hibrid avtomobillərdə 24,4 faiz və hibrid avtomobillərdə 21,4 faiz artıb. Benzinli avtomobil satışlarında artım yüzdə 2,8 olaraq qalarkən, dizel avtomobil satışlarında yüzdə 5,4 azalıb.

Elektrikli nəqliyyat vasitələrinin satışları qalıq yanacaqla işləyən nəqliyyat vasitələrinin satışlarından qat-qat yüksək olsa da, ümumi mənzərəyə baxdığımızda onlar hələlik bazarın yalnız 12 faizini təşkil edir. Bununla belə, elektrik avtomobilləri hələ də ən populyar kateqoriya kimi seçilmir. Benzinlə işləyən avtomobillər 36 faizə yaxın satış payı ilə podiumda birinci yeri tutsa da, hibrid-elektrikli minik avtomobilləri qısa müddətdə birinci yeri tutub.

Markaların satış rəqəmlərinə nəzər saldıqda 2024-cü ilin yanvar ayında ən çox avtomobil satan “Volkswagen” qrupunun (258 402) olduğu görülür. Alman avtomobil nəhəngini “Stellantis” (183 120) və “Renault” (92 935) izləyir. Bu üç şirkət Avropa və Böyük Britaniya bazarlarının 52 faizindən çoxunda üstünlük təşkil edir.

Elektrikli avtomobil bazarının üçdə ikisini təşkil edən Aİ-nin dörd ən böyük bazarında güclü artım qeydə alınıb. Ən çox yeni elektrik avtomobilinin satıldığı Almaniyada (22 474) satışlar 23,9 faiz artıb. Satış həcminə görə Aİ-nin ikinci ən böyük bazarı Fransa olub, burada satışlar 36,8 faiz artıb, ikinci yerdə Belçika (75,5 faiz) və Hollandiya (72,2 faiz) gəlir. 2023-cü ilin yanvar ayı ilə müqayisədə 3 dəfəyə yaxın artımla bu kateqoriyada satışlarda ən təsirli sıçrayışı AB üzvü olmayan Norveç göstərilib.

Əvəz Həsənov